حفلة التخرج .. سريع دخلوا

ما باقي شي ونتخرج

ولازم نسوي حفلة تخرجنا
وفي هالموضوع نبغي نتناقش ويش بنسوي في حفلة التخرج تبع صفنا

وويش اقتراحاتكم حق الحفلة

طبعاً اهم شي تكريم كل المعلمات الي درسونا عبارة لازم نجاملهم ونحسن سمعتنا قبل لا نتخرج
ورد+ شهادات

الورد راح يكلفنا تقريبا 30 دينار

الشهادات من صوبي اني بسويهم وبطبعهم والدعوات بعد

بالنسبة للكيكة نبغى فيها فكرة كلش مو عااااادية .. يعني عجيبة عدل عدل ومناسبة للتخرج يعني اكيد بتكلفنا واجد ..

والتحف ( ذكرى التخرج "كبوس مفلا لو شهادة" ) وطبعا فيها الكاكو وعبارة بسيطة

ويبغى لينا نسوي لكل معلمة درستنا بيت شعر (عشان نشققهم عبارة)

بالإضافة إلى تأليف قصيدة تخص صفنا
وكلمة نلقيها تهز مشاعر البنات والمعلمات (يعني عبارة نصيح صياح ) وطبعاً بعد من تأليفنا

واني ومريم اقترحنا تكون الحفلة في الصالة بعد موافقة المديرة الجميلة

وعبارة لازم نحدد المبلغ الي يقدرون البنات يدفعونه ويكفي حق كل هالاشياء

يعني اقل شي كل بنية تدفع 3 دينار

وويش رايكم انتون!؟

اني اقول ان مو بيت شعر لكل معلمه صعبه السالفه لو
كل معلمة تحطين في الشهاده ليها وسام مميز ابها يعني لقب مثلا كارتون (الحوب)

احس الوسام الي في الشهادة حركة قديمة ومالت جهال صارت عبارة!!

اوكي بنلغي بيت الشعر
وبنحط شي غير بداله بس اهم شي فيه اسم المعلمة في بطاقة "على التحفه والحلاوة يعني "

أول مرة ادري منش ان سووها قبل !!

أنزين وش هو برنامج الحفله غير الشعر و التكريم و البلع ؟؟

بما أن درسنا 12 سنة ..
6 بنات يكونون ع جهة اليمين فوق المسرح .. و6 بنات يكونون ع جهة اليسار
ونطفي الليتات
و بالدور كل وحدة تجي تحط الشمعة ع الكيكة

وطبعاً الموسيقى الحزينه شغااالة

مريم تقترح والموسيقى تشتغل والبنات يحطون الشموع نلقي كلمة ع سالفة الشموع 12 سنة مضيئة من دراساتنا

اني اقول ان اول شي نقول الكلمة ويه الموسيقى وبعدين يجون البنات ويحطون الشموع ع الكيكة والموسيقى الحزينه شغالة

انتون ويش رايكم ؟

المساهمات : 59 تاريخ التسجيل : 05/04/2008

الصرااحه خوش شي انة وياكم
وبساعدكم في كل شي وبكتب اشعار حلاتها والله
لا تفوتون هالسالفه
ع الاقل نطلع بشي عدل عن صفنا كفاااايه السمعه الا في الحطيط

ههههههههه اي والله

المساهمات : 14 تاريخ التسجيل : 05/04/2008

فكرة عجيبة و حليوة إني أدعمها مئة بالمئة
ما شاء الله ختامها مسك
على الأقل ترفعون راسنا
أفكاركم عجيبة الصراحة Laughing

المساهمات : 58 تاريخ التسجيل : 06/04/2008 العمر : 34

الله جتني الصيحة وأني أقرأ..صدق صراحة أني أول سنة وياكم لكني حاسة أني أعرفكم من زمان واني منكم وفيكم..أحبكم كلكم تذكرو هذا زين...
وفكرة الحفل رووووووووعة والي تقترحونه وتتفقون عليه آنا معاكم فيه..سي يو...

Admin المساهمات : 138 تاريخ التسجيل : 04/04/2008

ويليييي بصييييييييييييييح pale

والله انكم روعه يا 6 أدب 2 وكلكم حلوين ورائعييين يلاا اي كلنا بنشاااارك والكيكه وين بتسوونها
اذا ماعندكم احد بخلي خالي يسويها لنا في فندق الخليج يعني كلنا نق لفلوووس ولااحد يصير بخييييييييل ومايدفع آآآآآآآآآآآآآآخر سنه يانااااااااااااااااااااااااااااااااس

pale

المساهمات : 98 تاريخ التسجيل : 06/04/2008 العمر : 33

يا عينييي ع الأفكار

حلوة الفكرة واااجد

و اكيييد احنا كلنه حاضريين

و لازم نسوي شي مميز

يعني لا صار و لا استوى

اي جوفوا بس المديره مستحيل ترضىىىىىىىىى [b]

ربشة الصف كتب:

الصرااحه خوش شي انة وياكم
وبساعدكم في كل شي وبكتب اشعار حلاتها والله
لا تفوتون هالسالفه
ع الاقل نطلع بشي عدل عن صفنا كفاااايه السمعه الا في الحطيط

عفيه عفيه
يالله حركي روحش من الحين
جان شوي نطيب السمعة قبل لا نتيسر

Tears rain كتب:

فكرة عجيبة و حليوة إني أدعمها مئة بالمئة
ما شاء الله ختامها مسك
على الأقل ترفعون راسنا
أفكاركم عجيبة الصراحة

هههه تسلمين خلف شبدي
لازم نسوي ختامها عنبر ومسك وياسمين عشان لو شوي بس يطيقونه ويذكرونه بالخير

ونبغاش تساهمين ويانا بأفكارش

مدريدية كووول كتب:: الله جتني الصيحة وأني أقرأ..صدق صراحة أني أول سنة وياكم لكني حاسة أني أعرفكم من زمان واني منكم وفيكم..أحبكم كلكم تذكرو هذا زين...
وفكرة الحفل رووووووووعة والي تقترحونه وتتفقون عليه آنا معاكم فيه..سي يو...

[center]

ويلي عليش بعد عمري Sad

لا تصيحيني

مااتتصورين اي قد حبيناش وارتحنه لش .. كأنه دهر عايشين ويه بعض Sad

تسلمين يالغلاا .. وشاركي ويانا بأفكارش

[/center]

المديره كتب:

ويليييي بصييييييييييييييح
والله انكم روعه يا 6 أدب 2 وكلكم حلوين ورائعييين يلاا اي كلنا بنشاااارك والكيكه وين بتسوونها
اذا ماعندكم احد بخلي خالي يسويها لنا في فندق الخليج يعني كلنا نق لفلوووس ولااحد يصير بخييييييييل ومايدفع آآآآآآآآآآآآآآخر سنه يانااااااااااااااااااااااااااااااااس

والله للحين مو محددين مكان معين حق يسوون لينا الكيكة
نبغى مكان رخيص وقوي
يناسب امكانيات الصف يعني

لأني ماتوقع كل الصف بيدفع لازم تطلع لينا جم وحدة بخـ بخ
فيبغى لينا نحصر المبلغ الي يقدرون يدفعونه البنات من الحين .. وجم جميلة مابتدفع

غرشة بيبسي كتب:

يا عينييي ع الأفكار

حلوة الفكرة واااجد

و اكيييد احنا كلنه حاضريين

و لازم نسوي شي مميز

يعني لا صار و لا استوى

تسلمين عوومري

يالله برزوا افكاركم وابداعاتكم

حتى نتفق على كل شي من الحين

عطر المحبة كتب:: اي جوفوا بس المديره مستحيل ترضىىىىىىىىى [b]

لويش مابترضى صراحة بتحبطنا لين مارضت Crying or Very sad

زحمة كلش كلش بصير

صفنا وينه يكفي لكل هاالافكار

جيفه بنسويها على مستوى!!

مالينا الا نتأجر لينا صالة صراحة scratch

أفكار new

1)

ويش رايكم نجيب الداتشوه مادري ويش يسمونه ونعرض فليم الصف الي بتسويه مريم

عاد ان شاء الله يرضون المدرسة

واذا مارضوا عبارة اني بتحايل في صبوحة وبصبغها بجم كلمة وبتعطينا مالها

2)

مسابقة حق المعلمات ((اسئلة ثقافية )) .. بين الفقرات .. عشان عبارة لا يتمللون

وبتنقسم لفريقين >> مفلاً نفس الي نشوفهم في التلفزيون

ويبغى لينا جوائز بعد .. ترضية مفلاً صحن وقلاص والي يفوزن بنشتري ليهم من رامز آذنات شي

عجبتني هالفكرة

ملطوشة من منتدى << هي مالت جهال شوي بس حليوة

حتى فقرة الجوائز ستكون ترفيهية بحيث ستختار
الفائزات جوائزهن...

نحضر صناديق ملونة بعدد الفائزات بالمسابقة
نضع في كل صندوق هدية مختلفة
عن الأخرى و نطلب من كل فائزة إختيار صندوق
و الصندوق الذي اختير من طرفها يفتح
و تأخد الجائزة...

طبعا لن ننسى المشاركات اللاتي لم يحالفهن الحظ
ستقدم لهن جوائز تذكارية ...

خووووووووووووووش

فكره

وان شاء الله يرضوون

المساهمات : 27 تاريخ التسجيل : 05/04/2008

بالنسبة الى الكيكه
اقوليكم بحط صورة كيكه حلوه وجوفوها وقولو رايكم واجد تناسب
اللعام بنات مسوينها الى حفلة تخرجهم
انتون جوفوها وحكمو

المساهمات : 27 تاريخ التسجيل : 05/04/2008

[url=F:\New Folder\المدرسة]F:\New Folder\المدرسة[/url]

المساهمات : 27 تاريخ التسجيل : 05/04/2008

اوه مو عارفة احط الصورة

اني بعد حصلت صور كيك وااجد حليويين

حطي الرابط بس واحنا بنبطله وبنشوف